Пронајдени остатоци од Ацтечка пирамида

Веста веќе беше објавена на CNN и во L. A. Times дека во Мексико Сити е пронајдена Ацтечка пирамида. Ќе требаше да напишам огромна сторија. Притоа да ги спомнам и другите пирамиди, императорот Moctezuma II, генерал Кортез и неговите трупи, инвазијата на Мексико и една ноќ во 1520 така наречена La Noche Triste (Тажната ноќ). Ама ме мрзеше да пишувам. 🙂

Сте ја читале ли некогаш ,,Кога сонцето беше бог” од Зенон Косидовски? Би требало. Мене ми беше еднo од поомилените четива кога се запишав на факултет. Оваа книга која се води под категоријата белетристика, на еден необичен начин ќе ви ги прошири видиците и ќе ви ги оживее древните светови. Археологијата ќе ја засакаат дури и оние кои мислат дека е таа досадна и неинтересна. Ако воопшто постојат такви.