Воислав Санев беше еден од поистакнатите македонски археолози. Како човек кој го проучуваше Неолитот на територијата на Македонија, ќе биде и ќе остане запаметен како најупорниот истражувач на Тумба Маџари и пронаоѓачот на Големата мајка богинка. Во 1998 година и самата волонтирав со Војче (како што нагалено го викаа) на Тумба Маџари, затоа што како и вообичаено државата немаше доволно пари да даде за ископување на еден од најзначајните македонски локалитети. Со него ги почнав првите мои чекори …Се надевам дека достојно ќе продолжам и понатаму да чекорам во светот на археологијата.
