Како прилог за афирмација на културното наследство на Македонија, во десниот долен агол од блогот поставив фајл за топчестата флејта од неолитскиот локалитет Мрамор (Велес), кое секој може да го симне во PDF формат. Фајлот е всушност малото книжуле што Трајанка Јовчевска го издаде под закрила на УЗКН (Управата за заштита на културното наследство) со текст каде на македонски и на англиски таа и официјално гo публикува овој артефакт, притоа цитирајќи литература.
Топчестата флејта во Мала станица
Топчестата флејта во Мала станица
Она кое мене лично ме воодушеви е тоа што Трајанка покрај тоа што сосема храбро се понесе со целата ситуација вадејќи од депо еден сосема заборавен предмет, притоа ја сватила предноста на интернетот. Чинам дека прв пат овака официјално и може да се каже дека некој археолог од Македонија при третирањето на еден артефакт во контекст на научен текст, а во обидот да го публикува пред јавноста, користел поуздана интернет литература.
