web analytics
За мене



Василка Димитровска
магистер по археологија
Скопје, Македонија
e-mail: info@arheo.com.mk

Текстовите на сајтот не се лекторирани

ЧПП
Прирачник за коментирање

Haemus Journal
UNESCO Club HAEMUS
My pages and blogs

Blog in english

Архео-креатива

Verba volant scripta manent

Video|Channels|Community

Archive for the ‘Неолит’ Category

PostHeaderIcon Како изгледа мојот свет од камен

Неделава се појави мојот најнов труд во научното списание Journal of Lithic Studies. Се работи за рецензија на серија работилници за праисториска технологија кои благодарение на студените од катедрите по археологија при УКИМ и при УГД, како и логистиката од Музеј на град Скопје, се случуваа во февруари и март 2014 год. 

banner-workshop-stories-written-in-stone

Работилниците под наслов ‘Приказни врежани во камен‘ во организација на ХАЕМУС, претставуваа надополнување на академската програма на факултетите по археологија и беа насочени кон запознавање на студентите и партиципантите со теориските и практичните аспекти на анализата на камените артефакти. Опфатени беа следните категории: анализа на суровините, технолошка, типолошка и функционална анализа на артефактите, статистичка обработка на податоците и интерпретација на резултатите од анализата.

Да, знам дека звучи досадно. Ама исто така знам дека раздобјата од развитокот на човекот се именувани според материјалот од кој биле изработени орудијата. Периодите од праисторијата во светот и кај нас, како што ни покажуваат нивните имиња, претежно се темелат на камените ракотворби. Сепак, и покрај тоа што терминот камено доба значи дека има присуство на камено орудие (по нашки кажано кремен), со исклучок на старото камено доба, керамичката продукција и орнаменитика кај садовите секогаш била најмеродавна за културно-хронолошкото дефинирање на останатите праисториски периоди. Заклучоци секако има многу, но најважниот е дека сето ова кое го слушнаа студентите од мене, всушност се учи во првите четири семестра на факултетот по археологија секаде во свет, освен се разбира кај нас. Токму оттука и произлегува фактот што за цели 20 години, освен мене, ниту еден друг студент не го одбрал научниот пат кој ќе го одведе до најголемите тајни на древните светови од камен. Се надевам можеби во иднина дека овој став кон најстарите праисториски периоди ќе се промени, за доброто на македонската наука и археологија. :)

Stone tool workshop II by HAEMUS

PostHeaderIcon Работилници за камени алатки – Приказни врежани во камен

banner-workshop-stories-written-in-stone

Некој сака антика, некој романика, а јас цел живот сакам да ги истражувам, проучувам и публикувам збирките на камени алатки од праисториските локалитети низ Македонија. Моето животно и работно искуство опфаќа огромен број на ископувања, проекти и работа со најдобрите балкански и светски експерти од оваа субспецијализација во археологијата.

Во изминатиот период, на мое големо задоволство, имав чест во рамките на ХАЕМУС да организираме серија на работилници за камени алатки. Работилниците се одвиваа во Музејот на Старата скопска чаршија и претставуваа надополнување на академската програма на факултетите по археологија при истоимените катедри на УКИМ и УГД. Предавањата беа насочени кон запознавање на студентите и партиципантите со теориските и практичните аспекти на анализата на камените артефакти. Опфатени беа следните категории: анализа на суровините, технолошка, типолошка и функционална анализа на артефактите, статистичка обработка на податоците и интерпретација на резултатите од анализата.

Stone tool workshop I by HAEMUS

Тема 1: Вовед во светот на праисториските алатки;
Тема 2: Основни принципи и критериуми за петролошка, технолошка и морфолошка анализа на артефактите од делкан камен;
Тема 3: Основни принципи и критериуми за петролошка, технолошка и морфолошка анализа на артефактите од мазнет камен и абразивни орудија;
Тема 4: Работа со камен материјал и препознавање на праисториските алатки од локалитетот Цоцев Камен врз база на површинскиот материјалот собран од студентите од 4 година по археологија.

Stone tool workshop II by HAEMUS

Присуството на студентите по археологија беше бесплатно, но поради тежината на тематиката, учеството се ограничи на 6-8 партиципанти по работилница, со претходна најава. Покрај многу други работи, студентите по археологија на двете катедри, научија дека малиот број на артефакти од камен во праисториските збирки од Република Македонија е резултат, пред сè, на непрепознавањето на литичкиот материјал, отсуствотото на просејување и флотација, како и личниот избор на истражувачите кои од наодите да задржат во збирката. Камените алатки сè уште не се предмет на детаљна анализа во македонската археологија, според закон треба, а не се изучуваат на факултет, а подоцнежните камените доба од палеолит и мезолит, во Македонија претежно се идентификуваат со керамичката продукција.

Stone tool workshop III by HAEMUS

Комплементарни на академската програма, овие работилници ги собраа заедно студентите од катедрите по археологија од Скопје (УКИМ) и од Штип (УГД). Очигледно останав единствената во македонската археологија што работи камени алатки и вољна сум на секаков начин и во секаква форма да им го пренесам моето знаење на студентите. Да заклучам, после овиен настани, навистина сум задоволна и среќна.  :)

За сајтот

Добредојдовте на мојот сајт. Доколку ви се допаѓаат текстовите и сакате да ме следите кликнете на RSS фидот. Текстовите на сајтот не се лекторирани. Сајтот е заштитен со Законот за авторски и сродни права на Република Македонија.

Почитувајте ја лиценцата на Криејтив Комонс пред да позајмите без прашање.

Василка Димитровска магистер по археологија

Пребарувај по сајтот
Follow my research

SVPINI ROMANI
HAEMUS E-Shop



Моја книга за Руг Баир
Категории
Архива