Археолошки дневник vol.2.1/2 ©

Како дел од приказната по повод 20 години од постоењето на Интернетот, македонскиот сервис на BBC почна да пишува одредени статии во кои се вклучија и некои македонските блогери со свои изјави. Интернетот го смени животот на современата цивилизација во приказна со непознат крај и секој од нас има лична причини како дел од колективната шема поради кои ја користи можеби една од најдобите цивилизациски придобивки. Темата ја иницираше Развигор, ја започна Мите, ја отворија Дарко и Марјан со свои постови, а јас продолжувам во сличен стил:

Да не постоеше интернетот:

1. Немаше никогаш да научам да блогирам а со тоа да ги споделувам јавно моите ставови и размисли за културното наследство и археологијата.
2. Немаше да издадам книга со текстови исклучиво напишани онлајн.
3. Немаше никогаш да ги откријам алатките на новите медиуми како уште едно поле во процесот на детектирање, презентирање и заштита на културното наследство, и со тоа и да имам ефект врз јавното мислење на граѓаните.
4. Немаше никогаш да се појавам на телевизија.
5. Немаше да комуницирам со толкав обем и брзина и да запознаам прекрасни луѓе од кои некои ми станаа лични пријатели или професионални соработници.

Да не постоеше интернетот ќе останев само уште еден обичен археолог во морето на непознати и анемични археолози во Македонија чиј глас воопшто не се слуша, а уште помалку се почитува. Во 2.0 светот, посебно во блогосферата едно од непишаните но најважните правила е интерлинкањето. Па ако веќе го правам ова по сите тертипи, тогаш ги повикувам Окиморон, Гершанина, Џаман, Волан и Букарски да кажат што тие би правеле да го немаше интернетот и како тој им го смени животот.

Апдејт: се приклучија и Рибаро, Киху Потру, КузманОв,

Постојано ги користам програмите на Google – Google Earth и Google Maps, а доста често пишувам за нивните доусовршувања и надградување на функциите кои веќе ги имаат. Пред некој ден обидувајќи се да лоцирам одредени културно-историски споменици кои ми се потребни заради обликување итинерари за турите со странци кои често ги водам, приметив една нерегуларност на мапата на Скопје. Се работи за случајна или намерна грешка со именувањето на некои булевари кои прават вистинска збрка доколку се обидувате да му објасните на некој странец како да се ориентира околу центарот на Скопје.

За градот Скопје постојат многу мапи, а меѓудругото некои од нив можат да се најдат и на интернет. Најчесто ја користам GPS Skopje, бидејќи можам да пребарувам азбучно и со кирилична поддршка. Имено, целата оваа недоумица ми ја предизвика т.н. булевар ВМРО кој на оваа мапа не постои, но подоцна се појавува во проектите Google Earth и Google Maps.

Еден пасос од архивата на Дневник од 18 март 2006, кој во буквално смисла е пренесен од весникот Вечер на 02.09.2008 (можеби се работи за своевремена изјава од некој одговорен) ни открива дека:

Според надлежните во Градот, последната измена била извршена 1996 година кога биле преименувани 34 улици, 7 булевари и 4 плоштади. Нови имиња добиле повеќе булевари, а булеварот “Маркс и Енгелс” стана ВМРО.

via @Дневник/@Вечер

Не знам каде бил претходно бул. Маркс и Енгелс пред да се преименува, ако некој знае т.е. живее/л, нека ме надополни. За да бидам сигурна каде се наоѓа точно бул. ВМРО во нашата сегашност, првото нешто што ми падна на памет е да се јавам во 2-3 такси комании. Тие го лоцираа и ми потврдија дека тоа е топоним кој го користат веќе 5-6 години што ме збуни дополнително.

За да не се прави уште поголема збрка, сегашниот бул ВМРО е всушност дел, една мала етапа од поранешниот бул Даме Груев, т.е. улицата која од Агромеханика во Центар, минува покрај Главната Пошта и завршува до мостот Гоце Делчев. Ако се направи споредба со мапите на Гугл, тогаш постои уште една нерегуларност. Според овие мапи булеварот Гоце Делчев почнува од Партизанска (а не од мостот), па го опфаќа и сегашниот бул. ВМРО, потоа оди преку истоимениот мост и завршува слепо кај Сајмиште. Може да се забележи дека тој одвреме на време на мапите фантомски се менува, па ту е булевар Гоце Делчев, ту булевар ВМРО. Исто така кај Сајмиштето на раскрсницата (тука постои бензинска пумпа) бул. ВМРО повторно се преклопува со бул. Гоце Делчев.

Правната процедура за преименување на улиците не ми е детаљно позната и не знам колку временски може долго да трае, но знам дека една улица или еден булевар не може да носат две имиња. Тоа до сега не се случило никаде во светот, зошто би настанал хаос во сообраќајот. Програмите на Гугл се проекти кои тие ги работат самостојно, во соработка со некоја домашна компанија која им ги дистрибуира информациите. Се прашувам кој е тој што така преку ноќ бул. Гоце Делчев го преименувал во бул. ВМРО и со тоа почнал да ја менува вистинската мапа на Скопје? Постои ли начин да се заштитиме од менување на идентитети, па макар тие биле и на улици?

На почетокот на 2006 година Зоран Сталевски а.к.а GoodBytes, т.е. Панта Реи, според мене најдобриот македонски блогер, за проектот Македонски народни песни објави јавен повик до секој добар човек кој има текст или mp3 од стара македонска народна песна, да ги испрати на неговата мејл адреса. Во тоа време се работеше за колекција од околу 450 текстови на песни од нашето богато народно творештво, заедно со аудио семплови во мп3 формат кои можеа да се слушнат или даунлоудираат од блогот. Дел од песните со дозвола од авторот сега се публикувани и на Македонската Википедија, благодарение на добрата воља на Милош.

Во меѓувреме, со текот на годините, блогот прерасна во сајт. Благодарение на заложбите на неговиот автор, се смета дека ова е најголемата интернет колекција со околу 650 македонски народни песни, а љубителите на народната музика можат да го прочитаат текстот (со превод на повеќе јазици), да ја слушнат песната (и тоа од неколку изведувачи) а имаат и можност да ја симнат, но со послаб квалитет поради авторските права.

“Проектот започна како мое лично хоби, но и од револт што институциите кои се платени да го промовираат нашето културно наследство сеуште ги користат компјутерите за играње карти, додека чекаат да им мине работното време. Ганди рекол: ”Ти биди промената која сакаш да ја видиш во светот“, мисла која и мене ме водеше кога решив да го започнам публикувањето на песните. Во меѓувреме, почнав да добивам пофалби, совети, па и помош со текстови или аудио записи од посетители на сајтот, љубители на народниот мелос. Поддршката која постојано ја добивав од луѓе ширум светот (меѓу нив има и странци кои се интересираат за нашиот јазик, култура и изворна музика) мене ми даваше инспирација да продолжам да го збогатувам сајтот. Всушност, мене не ми треба финансиска помош, бидејќи публикувањето онлајн не е многу скапо. Единствено што навистина би можело многу да го поткрепи проектов се аудио записи од песни кои се ретки, и кои е практично невозможно да се најдат по нормални канали.”

Од интервјуто дадено за @it.com.mk

Доколу имате песни од богатото македонско творештво во било кој формат, вклучете се во популаризација на нашето духовно наследство со што ќе се наниже уште еден бисер во ѓерданот кој ќе го краси македонскиот Интернет простор.

Линк: http://pesna.org

Пред некој ден на својот официјален блог Google извести за уште еден голем проект кој ја вклучи аероархеологијата. Со проектот Historical Imagery кој е апдејтуван и достапен на новиот Google Earth 5.0, можете да го видите вашиот регион или град како изгледал кога сте биле дете или пак да споредувате некои други познати места како се менувале со текот на децениите.

Many of us have heard stories, read books and watched films which show the many impacts of WWII across the world. Today we’re giving you another way to understand this period in time – by exploring a new set of historical aerial images, taken over European cities during World War II, via the historical imagery feature in Google Earth. They can now be compared directly to images from the present day.

The historical imagery feature gives people a unique perspective on the events of the past using today’s latest mapping technology. We hope that this World War II imagery will enable all of us to understand our shared history in a new way and to learn more about the impact of the war on the development of our cities.

from WWII historical imagery in Google Earth

Не помина многу време откако Google ја објавија својата алатка, AARG (Aerial Archaeology Research Group) исто така на својот сајт го објавија букирањето за својата следна конференција. Сите кои се заинтересирани за аероархеологијата како наука, упатствата за претстојната конференција Букурешт 2010 можат да ги пронајдат на официјалниот сајт на AARG . Малку повеќе доцниме со научните методологии, а посебно со технологијата. Ако самите не почнеме да ги употребуваме современите технолошките достигнувања, верувајте во најскоро време, тие ќе не ”пронајдат” нас. Без да не прашаат.

Линк: AARG MEETING BUCHAREST 2010