Вечерва во 20 часот, во Музејот на град Скопје, ќе биде промовирана книгата „Неолитските заедници во Република Македонија“, заеднички труд на археолозите: Гоце Наумов, Љубо Фиданоски, Игор Толевски и Анета Ивковска.
Промотор на книгата ќе биде Паско Кузман, директор на Управата за заштита на културното наследство.
Инфо за книгата:
НЕОЛИТСКИТЕ ЗАЕДНИЦИ ВО РЕПУБЛИКА МАКЕДОНИЈА вклучува различни аспекти од неолитската материјална култура и обработува широка база на податоци со цел да ги претстави сите сегменти од животот на заедниците кои го населувале овој регион. Илустрирана со слики и табли сочинети од табели, планови, садови, алатки, накит, фигурини, модели, жртвеници и печати, оваа публикација ги дефинира и презентира процесите на неолитизација и социјалните врски, како и климата, рељефот, стопанството и визуелната култура манифестирани преку земјоделството, доместикацијата, архитектурата, грнчаријата, обредите и симболичката комуникација.
