Категорија – Палеоантропологија

Ова е категорија која беше замрена, или буквално не постоеше на мојот блог на Блогерај.  Колку за запознавање, единствениот антрополог во земјава е Фаница Вељановска од Музеј на Македонија. Во последно време таа се здоби и со свој наследник.
 
Палеоантропологија во Македонија не постои, од проста причина што нема ниту адекватни наоди за проучување. Навистина немам информација колку Фаница во својата кариера имала шанса да работи со наоди постари од неолитот, што не значи дека не треба да се посвети внимание на тоа поле. Бидејќи и студенти го читаат блогот, ќе се обидам своите сознанија и информации да ги пренесам експлицитно и сублимирано.

Сите заинтересирани можат да појдат до првата форензичка статија, но и да ги консултираат бесплатните, а добро тиражните научни неделни списанија: Nature и PNAS (Proceedings of the National Academy of Sciences). За свое задоволство може да гo погледнат и интерактивниот документарец Becoming Human со Donald Johanson, еден од водечките светски палеоантрополози.