За два дена стартува втората Glocal conference организирана од New York University во Скопје. Темата на оваа Glocal 2.0 е ,,Blogging: Evolution Treated as Revolution“, на која се пријавив со темата ,,Blogging Archaeology: Creating an Open Access Source for Knowledge“.
Во текстот е поместено моето искуство, сите предизвици и проблеми со кои се соочив изминатите години на Интернет додека блогирав за археологијата. И покрај тоа што овој тип на блогирање се уште нема добиено академски статус во светот, сепак постојат значителен бројот на сериозни Археоблогови кои третираат одредени теми од археологијата или културното наследство.
Некои од прашањата со кои се бавам се: како ќе знаете дека мојот блог е веродостоен, како ќе распознаете квази-наука од вистинска археологија, како се прави проценка на содржината на еден археолошки научен блог и секако одговорот на прашањето како да се креира отворен пристап на знаење кое може да го обликува интернет заедницата.
Програмата може да се симне тука, конференцијата е од отворен карактер и поканети се сите заинтересирани.
Клучни зборови: blogging, blogosphere, blogs, conference, glocal20, macedonia, new media, NYUS, skopje, workshop
