Веќе неколку месеци го пратам весникот Вечер кои информации ги објавува во рубриката ,,Скопска“. Еден од најфреквентните написи кои ми западна во очи е следниот:
Деновиве излезе од печат новиот Туристички информатор на Скопје, што еднаш месечно го издава градскиот Туристички сојуз. Во најновото издание има краток осврт за градов и на поважните културно-историски знаменитости, а се објавени и информации за угостителските објекти и хотели, туристички агенции, културни институции, амбасади, меѓународни претставништва, министерства и други институции. Во информаторот се внесени и месечните програми на сите културни институции во градов – музеи, галерии, театри.
Информаторот се печати на англиски јазик и во 3.000 примероци, а го добиваат сите хотели, ресторани, авиокомпании, туристички агенции, културни институции, меѓународни претставништва и амбасади, странските културни центри и министерствата.
Информациите што се објавени во Туристичкиот информатор може да се прочитаат и на веб-страницата на Туристичкиот сојуз на Скопје чија адреса е …
Tекстот за месец ноември 2006, двобројот декември/јануари, април, мај и јуни 2007 е идентичен. Без малку трунка креативност да се представи што има во овој информатор. Само понекогаш во зависност од ажурноста на оние кои го администрираат сајтот на весникот Вечер, им се случува и да го погодат вистинскиот линк за Туристичкиот сојуз на Скопје. Тоа што тие ќе го крстат покултурно веб-страница, а не сајт, не ја менува нивната неозбилност во светот на електронските медиуми.
Не знам дали им е јасно на нашиве весници дека се што еднашка ќе отиде на Интернет останува засегогаш таму? Запишано е на небото, во некоја архива, на некој сервер…И дека ако излезе некогаш на некој претражувач нивниот ,,бестежински” текст, дали се навистина спремни да се соочат со себе си.
