Токму така. Сите четири блогерки неодамна беа додадени во блог ролот, но во мојот (за сега се уште) оригинален Археолошки дневник. Некои од нив како Ref и Ana веќе подолго време ги следам, Бу-бу ја открив неодамна, а Le Piaf најискрено, пред некој ден. Нема да дадам критички осврт за нивното пишување (ви оставам сами да процените), затоа што сепак тоа се дами чие исчитување на блоговите предизвикува вистинско задоволство. Прво затоа што припаѓаат на онаа мала маса со сопствено критично расположение кон својата микро околина, јасна мисла и шармантно изразување на кое не му недостасуваат епитети. А второ, затоа што се единствени во својата посебност. Уживајте во нив. Мислам на блоговите де 😉
