web analytics
За мене



Василка Димитровска
магистер по археологија
Скопје, Македонија
e-mail: info@arheo.com.mk

Текстовите на сајтот не се лекторирани

ЧПП
Прирачник за коментирање

Haemus Journal
UNESCO Club HAEMUS
My pages and blogs
Video|Channels|Community
Посети



Posts Tagged ‘Скопје’

PostHeaderIcon Colonia Flavia Scupinorum или Среќна Нова 2014 со колективната меморија од нашето минато

2014 NY card - Vasilka Dimitrovska

Како што е ред, секоја година на сите мои драги пријатели, читатели, колеги, блогери, роднини, попатни минувачи низ мојот сајт, како и оние кои ми даваат поддршка на било каков друг начин, им посакувам Среќна Нова Година. Но после толку многу години традиционални честитки за успех и добро здравје, решив оваа 2014 година да ја започнам и со една поинаква честитка. Честитка чии невидливи кодови се вткаени како приказна во нашата колективна меморија. Честитка која заслужува да биде испратена до сите истражувачи и љубители на културното наследство ширум светот. Честитка стара околу 2000 години …

Scupi - Exibition 2007-2013

Наоди од Скупи,  Ретроспективна археолошка изложба 2007-2013 Музеј на град Скопје (фото © ХАЕМУС)

Поради природата на мојата работа како археолог и како некој што се занимава со промоција на културното наследство во поширока смисла на зборот, честопати имам прилика да бидам во текот на сите најнови откритија, случувања и публикувања од оваа сфера. Затоа како мој новогодишен поклон решив да споделам една серија на текстови за археолошкиот локалитет Скупи, кои беа издадени во списанието Културен Живот бр. 3-4/2012. Се работи за трудови напишани од мои колеги кои долги години се дел од археолошкото ископување на Colonia Flavia Scupinorum и  научните текстови опфаќаат еден широк дијапазон при обработка на разните видови археолошки наоди откриени низ годините. Или што би рекла мојата колешка м-р Ленче Јованова, еден од раководителите на ископувањето на Скупи: ‘За да се разберат содржината и суштината на приказната, да се реконструира реалниот живот на минатото, неопходно е да се употреби голема имагинација која ќе ги оживее творештвото, креативноста, емоците, мислите, сетилата, соништата, стремежите на некогашните жители на Скупи – наши претци, чии судбини се нераскинливо вградени не само во археолошките остатоци, туку во самите нас и нашата колективна меморија‘.

Честопати се прашуваме каде ли заминуваат сите нераскажани приказни за археологијата? Не заминале никаде, тие се тука и ве очекуваат да ги споделите со светот. Да ги носите гордо како печат на времето и симбол од местото од каде што доаѓате, за никогаш да не си ги заборавите вашите невидливи корени.

Мојот примерок од водичот за Colonia Flavia Scupinorum (Scupi) од 2008

Мојот примерок од водичот за Colonia Flavia Scupinorum (Scupi) од 2008

PostHeaderIcon Како изгледа еден ден со теренски археолог во Република Македонија

06:00 am

Се будам. На гости ми е дојдена колешка од Археолошкиот институт при Бугарската Академија на Науките во Софија. Го пиеме првото утринско кафе и разменуваме мислења за денешното патување. Имаме навистина набиена агенда и почнуваме полека да се спремаме со целата опрема која ќе ни треба за на терен.

 07:00 am

Тргнуваме од Скопје за Источна Македонија. Патот до малото гратче Кочани не одзема повеќе од 1час и 15 минути. Таму веќе не чека колешката-археолог Илинка Атанасова со која заминуваме до археолошкиот локалитет Св. Атанас лоциран на неколку км од овој град. Овој предисториски локалитет од Енеолитот ја разбранува научната јавност пред неколку години со исклучителните наоди на женски фигурини. Но ние сме повеќе фокусирани на камениот делкан материјал кој е моја субспецијалност во археологијата. Додека колешката Атанасова ни објаснува за наодите од локалитетот, ги набљудуваме профилите од сондата и земјата во која се гледаат кремени алатки.

Енеолитски фигурини од локалитетот Св. Атанас, Република Македонија

10:30 am

Нашата посета во рудникот Опалит е највена претходно. Овој рудник за неметали (опал, ахат, калцедон, опализирано дрво) се наоѓа на 1 км од локалитетот Св. Атанас. Неколку години тој е моја тема на интерес како можна локација од каде предисториските заедници од регионот, но и пошироко црпеле суровина за своите камени алатки. Истото важи и за мојата колешка од Бугарија која ја тестира претпоставката дека некои суровини за камени алатки најдени на предисториските локалитети по текот на Струма во Бугарија, потекнуваат од ова лежиште. Не пречекуваат луѓето кои се вработени во рудникот. Тргнуваме на прошетка по околината во потрага на можни површински копови од праисториските заедници. Фотографираме и документираме за мојата докторска дисертација.

13:30 pm

Пристигнуваме во Институтот за историја и археологија при Универзитетот во Штип, мојата матична институција. Одам на состанок со проф. д-р Блажо Боев, мојот ментор за докторската теза. Долгиот разговор ги опфаќа сите мои белешки од тој ден и размислувања на темата за локалните ресурси за камен во праисторијата на Македонија. Секоја информација ја пополнува и дообликува мојата теза која е насочена кон оваа тематика. И ги покажувам на колешката од Бугарија лабараториите за камен и објаснувам какви анализи може да се направат.

14:45 pm
Возиме до Виница, последната дестинација за денеска. Во “Музејот Теракота” постои една мала збирка на мазнет камен од археолошкиот локалитет ‘Виничко кале’. Јас сум единствениот археолог во Република Македонија кој работи камени артефакти од археолошки локалитети и чувствувам морална и професионална одговорност да им помогнам на колегите. Ги добивам сите информации за артефактите, теренските и кабинетските белешки и одлучувам дека многу бргу со мојот ментор би можеле да дојдеме да ја обработиме оваа збирка. Во меѓувреме успеавме да го посетиме и локалитетот ‘Виничко кале’, тврдина од времето на Јустинијан I, која е заштитен знак на градот Виница.

Мазнето орудие и абразивни алатки од Виничко кале (Енеолит)

17:00
Се упатуваме назад кон Скопје. Стигнувам дома и почнувам да проверувам и да одговарам на мејлови, фејсбук и твитер пораки. Мојот археолошки ден се уште не е завршен. Треба да се подредат сите импресии, забелешки и фотографии од изминатиот ден по фолдери за да бидат употребливи во идина, за мене или за некој друг.

*   *   *

Овој текст во оригинал е пишуван на англиски јазик, како дел од акцијата за ‘Денот на Археолозите‘ (29. Јуни 2012). Целта беше да се подигне јавната свест за културното наследство и одговорноста која ја имаат археолозите во врска со него.

За сајтот

Добредојдовте на мојот сајт. Доколку ви се допаѓаат текстовите и сакате да ме следите кликнете на RSS фидот. Текстовите на сајтот не се лекторирани. Сајтот е заштитен со Законот за авторски и сродни права на Република Македонија.

Почитувајте ја лиценцата на Криејтив Комонс пред да позајмите без прашање.

Василка Димитровска магистер по археологија

Пребарувај по сајтот
Follow my research

SVPINI ROMANI
HAEMUS E-Shop



Моја книга за Руг Баир
Категории
Архива