web analytics
За мене



Василка Димитровска
магистер по археологија
Скопје, Македонија
e-mail: info@arheo.com.mk

Текстовите на сајтот не се лекторирани

ЧПП
Прирачник за коментирање

Haemus Journal
UNESCO Club HAEMUS
My pages and blogs
Video|Channels|Community
Посети



Archive for the ‘WWWести’ Category

PostHeaderIcon Како револуцијата ќе биде твитувана

Кога завчера напишав Твитај во реално време за да знае светот дека постоиш, сакав само да укажам на револуцијата која во моментот се случува а е поврзана со содржини кои корисниците ги постираат (линкаат) на некои од социјалните мрежи (под ова мислам конкретно на фејсбук) или на твитер. Три работи ме натераа да го напишам набрзина овој пост.

1. Откако беше постирано на твитер видеото „Social Media Revolution”, не помина многу време (во текот на денот) истото беше основа за текстот Револуцијата ќе биде твитувана на IT порталот, каде се објаснува “важноста на друштвените мрежи и напредокот на технологијата. Но, зборува и за тоа како се информираме преку друштвените мрежи”. Авторот на текстот Виктор Арсовски објаснува: “воопшто не барав некоја посебна информација, видеото само се појави бидејќи бев заинтересиран за што другите зборуваат. Подоцна видов дека линкот до истото видео е твитнат од повеќе корисници”.

2. Пред скоро една недела објавив пост со кратко инфо за Најстарата мапа на светот со претстава на пејсаж. Во денешен Дневник може да се прочита текстот Западноевропеецот пред 14.000 години изгравирал мапа во камен, кој е само  уште еден од стотиците написи до сега кои потврдуваат дека новинарите ме читаат што ќе напишам на мојот блог/сајт. За разлика од пред неколку години, повеќе не ме крадат ами сум инспирација и репер за новите откритија во светот, иако се уште не размислуваат со своја глава и наместо нешто да создадат, препишуваат или ја употребуваат најлесната варијанта веќе долго време применувана од македонските медиуми – преведуваат светски статии без да напоменат кој е изворот.

3. Репортажата за Крушево етно град на BBC News само еден ден откако беше поставена на youtube, вчера беше твитувана и линкана на фејсбук, а веќе денеска се појави текстот Репортажа за Крушево емитувана на Би-Би-Си во Утрински весник. Еден симпатичен и пред се реален приод на новинарката од BBC успеа да го долови настанот-проект во Крушево за кои луѓето имаа поделено мислење пред да почне да се реазлизира.

Зошто го пишувам сето ова? Затоа што револуцијата веќе се случува и ако не бидеш дел од неа, таа ќе те одмине како да не си постоел/а. Доколку не оставите траен запис на интернет, во иднината никој нема да знае ниту дека сте постоеле, ниту дека сте создале нешто зад себе. Ако мислите дека друштвените мрежи и твитер треба да одат по ѓаволите и сето тоа е губење на време, немојте да се грижите. Ако вие не ги пронајдете нив, верувајте во најскоро време, тие ќе ве пронајдат вас.

PostHeaderIcon Најстарата мапа на светот со претстава на пејсаж

Веднаш откако беше објавен научниот труд во списанието Journal of Human Evolution, мапата изгравирана на камен, стара 14 000 години го сврте светот со помош на медиумите. Гравурите доловуваат пејсаж сличен на денешниот кој се наоѓа во околината на пештерата Абантуз, регион Навара, североисточна Шпанија, во чија близина е пронајдена и оваа мапа. Истражувачите претпоставуваат дека пештерата била населена од популацијата која најверојатно и ја направила мапата, притоа опишувајќи го светот околу себе. Артефактот е датиран во периодот на Магдалениенот, околу 13,660 calBP.

Извори: Telegraph.co.uk, Mail Online, Irish Sun

PostHeaderIcon WWW news

Fortunately, scientists around the world are working, and they are displaying their work in front of the public without any sensationalism. There are some recent discoveries and new methodologies around the globe, I have been interested in:

Achaelogists find Neolithic grave in Serbia
PICTURES: Prehistoric European Cave Artists Were Female
35,000-year-old flute is oldest known musical instrument. It was found in Germany
Archaeological dating by re-firing ancient pots
13,000-year-old carved bone discovered in Florida

Comparison of cave handprints – male/female
What was the women’s role in prehistoric culture?

PostHeaderIcon С(ветот)è околу нас е археологија

 

Дека пронаоѓање на пирамиди во Египет не се исклучиво само археологија го потврдуваат и истражувањата кои во последно време открија едно танго кафе во Аргентина од крајот на 19 и почетокот на 20 век, 90 години стара белешка во Велс напишана од Канадски војник, а веројатно тука може да се вброи и намалувањето на ледниците, кои со самото топењето откриваат се што долго било заробено под нивните прекривки.

Искрено веќе ми е доста од онаа узурпирана дефиниција во скриптите на студентите по археологија дека е тоа наука која го проучува минатото кога и самите гледаме дека с(ветот)è околу нас е археологија. Иако, во последните 150 години како таа се менувала, заедно со перцепциите, се менувале и дефинициите за неа.

Инаку артефакт е се што е man made, а не само она што е пронајдено од археолозите во земјата. Тоа во својата дефиниција ги подразбира најстарите алатки на светот, но и првиот кондом и првиот мобилен телефон.

За сајтот

Добредојдовте на мојот сајт. Доколку ви се допаѓаат текстовите и сакате да ме следите кликнете на RSS фидот. Текстовите на сајтот не се лекторирани. Сајтот е заштитен со Законот за авторски и сродни права на Република Македонија.

Почитувајте ја лиценцата на Криејтив Комонс пред да позајмите без прашање.

Василка Димитровска магистер по археологија

Пребарувај по сајтот
Follow my research

SVPINI ROMANI
HAEMUS E-Shop



Моја книга за Руг Баир
Категории
Архива