web analytics
За мене



Василка Димитровска
магистер по археологија
Скопје, Македонија
e-mail: info@arheo.com.mk

Текстовите на сајтот не се лекторирани

ЧПП
Прирачник за коментирање

Пребарувај по сајтот
My pages and blogs
Blog in english
Архео-креатива

Verba volant scripta manent

Video|Channels|Community
Категории
Архива

Archive for the ‘Спелеологија’ Category

PostHeaderIcon Публикации: Геоморфолошки и геоархеолошки карактеристики на Цоцев Камен

Веќе неколку години предмет на мојот интерес се предисториските локалитети во Источна Македонија, која како регион беше сосема заборавена и запоставена на научната мапа во рамките на македонската археологијата. Мојата субспецијалност во археологијата се камените алатки, т.е. каменот како материјал генерално. Тргнувајќи во потрага на ресурсите за камени алатки кои предисториските луѓе ги користеле за свои алатки во оваа област, вниманието го фокусирав на ареалот околу Цоцев камен, кој самиот по себе претставува еден комплексен локалитет. За да се добијат посодржајни резултати, направив соработка и побарав мислење од палеонтолози, геолози, географи и биолози кои се вклучени во еден подолготраен проект што резултираше до сега со два научни труда.

Стојам пред монолитите – всушност остенци, а во позадина е локалитетот Цоцев Камен

Публикација на текстот за ”Геоморфолошки и геоархеолошки карактеристики на Цоцев Камен” излезе на почетокот од 2012 година во Географски разгледи, списание на Институтот за географија во Скопје. Трудот го пишував во соработка со проф. д-р. Ивица Милевски, редовен професор на Катедрата по географија при ПМФ. Во трудот се претставени геоморфолошките и геоархеолошките карактеристики на локалитетот Цоцев Камен, кој се наоѓа во кратовското село Шопско Рударе. Цоцев Камен всушност е маркантна карпа во вид на стог. Таа е изградена во андезитски игнимбрити, а се одликува со бројни денудациски појави по нејзината површина и во околината. Покрај природните форми, јасно се забележуваат разни антропогени интервенции врз карпата, во вид наскали, базени, вдлабнатини и сл. Поради тоа, одредени археолози, Цоцев Камен го сметаат за светилиште, сакрално место и опсерваторија. За да откриете дали е или не Цоцев Камен опсерваторија и што се случувало со него во текот на илјадниците години, ќе морате да го прочитате целиот труд.

ГЕОМОРФОЛОШКИ И ГЕОАРХЕОЛОШКИ КАРАКТЕРИСТИКИ НА ЦОЦЕВ КАМЕН

Покрај научниот труд, во постот е вгнезден и абстрактот за текстот кој беше објавен на ИГЕО ПорталотRead the rest of this entry »

За сајтот

Добредојдовте на мојот сајт. Доколку ви се допаѓаат текстовите и сакате да ме следите кликнете на RSS фидот. Текстовите на сајтот не се лекторирани. Сајтот е заштитен со Законот за авторски и сродни права на Република Македонија.

Почитувајте ја лиценцата на Криејтив Комонс пред да позајмите без прашање на интернет.

Василка Димитровска магистер по археологија

UNESCO Club HAEMUS
SCUPINI ROMANI
HAEMUS E-Shop



Моја книга за Руг Баир
Visits
View My Stats