Археолошки дневник vol.2.1/2 ©

Моментално во Brithish Museum е поставена изложба за имераторот Хадријан. Оваа поставка го подигна културниот напон на британците до ниво достојно за да биде испочитуван еден римски имепратор, кој сам посебе бил прилично контроверзен. Императорот, кој се оженил со жена само за да стане владетел, а цел живот сакал помлад маж. Кога неговиот љубовник се удавил несреќно во Нил, тој заповедал да се почитува насекаде издигнувајќи го на ниво на бог. Неговата оставштина е огромна до онаму до каде се простирала древната Римската Империја. Страста за архитектурата му овозможила да создаде некои од најславните градби во стариот свет (Вилата d’Este, Пантеонот, Вилата крај Тиволи и др.). Но тоа не ги спречило неговите сексуални перверзији и двијаштвото потрепено со одмаздољубивост на некогашниот имератор означен како мирољубив и со право детерминиран како човек кој бил многу пред своето време.

Во Велика Британија постојат огромен број на археолошки локалитети кои датираат од времето на Хадријан. Еден од нив е и монументалниот Хадријанов ѕид, локациија ставена под заштита на UNESCO.

Не верувам дека Хадријан го изградил ѕидот на северниот дел од Велика Британија зошто му било намера со време да ги подели Англичаните и Шкотите. Иако морам да признаам дека мошне умешно го сторил тоа. Сепак главната цел на овој ѕид кој се протега во должина од 120 км била да се одбрани најсеверниот римски лимес кој константно бил загрозуван од нападите на локалните племиња. Кои рака на срце, сепак биле претци на денешните жители на Шкотска.

Во прилог го вгнездувам видеото за Ѕидот на Хардијан кој е дел од огромното ДВД насловено како Frontiers of the Roman Empire. Сите видеа на ова ДВД се courtesy of English Heritage, со чија помош ги добив и им благодарам на моите колеги од Британија за срдечноста. Соодветно видео со текст од нарацијата може да се погледне на сајтот на UNESCO.  Исто така неколку видеа (кои можат да се даунлодуваат) се поместени на интернет страниците од Brithish Museum, со напомена дека тие своите статии за спорадичните изложби ги повлекуваат истовремено кога тие се повлекуваат и од јавноста.

Дополнителни линкови:

Официјален веб сајт
World Heritage Site - UNESCO
Мапа на ѕидот
Биографија на Хадријан со библиографија

п.с. се смета дека од времето на Хадријан во Македонија е изграден античкиот театар на археолошкиот локалитет Скупи. Иако бил најголем од сите други театри, сепак од него е останато многу малку и скоро е неможно да се реконструира. Ова здание според археолозите е датирано во 2 век од н.е., најмногу според стилот на остатоците од мермерните украси.

Од денеска до 11 Март 2008 година во Атриумот на Народниот музеј од Белград, по деветти пат ќе се одржи Меѓународната ревија на археолошки филмови. Комплетната програма на ревијата за оваа година опфаќа вкупно 24 дела кои доаѓаат од осум европски земји.

Оваа Ревија (колу што мене ме држи помнењето) само еднашка беше донесена во Македонија, во 2003 година, и тоа најмногу благодарение на Гете институтот од Белград, како и Француските културни центари и Италијанските институти за култура кои работат во Србија и Македонија.

Со оглед на актуелната економска состојба во Република Македонија која е во вечна транзиција, очигледно е дека Владата и Министерството за култура или немаат доволно средства или ,,немаат доволно интерес” повторно да донесат во државава научно-образовни содржини кои се од едукативен карактер и со чија помош акцентот ќе се стави како на домашното, така и на светското културно наследство, имајќи ја археологијата како линк која ги поврзува останатите приказни во полето на палеонтологијата, историјата, етнологијата, уметноста, туризмот, комјутерските техники и тн.

Наместо толку пари фрлени по бесмислени проекти, работилници и семинари, книжулчиња преку кои се испрале пари и лигави налицкани брошурки кои загинале по контејнерите притоа не пренесувајќи конкретна информација за било какво културно-историското наследство, една ваква ревија на филмови само би го подигнале и би го зајакнале културниот идентитет кои се трудат да ни го разнишаат на сите можни начини.

И што друго да додадам по овој повод. Правете си сами филмчиња и клипчиња и ставајте ги на youtube. Белким некогаш и некаде, некој ќе има аир од нив.

Црквата Св.Спас, Скопје - homade by Кибицер

Клучни зборови: international, review, archaeology, film, National, museum, Belgrade, Serbia, меѓународен, ревија, археологија, филм, Национален, музеј, Белград, Србија

Во овој краток видео клип каде наратор е самиот режисер Ron Fricke, дадено е објаснувањето за духовната димензија на документарниот филм Барака. Секвенците ни ја покажуваат позадината на филмот чие снимање се одвивало три години, на 24 различни локации низ светот, правејќи една невидлива конекција помеѓу Тибетантските монаси, Ортодоксните свештеници, Евреите и Дервишите кои преку навидум различните ритуали, всушност покажуваат многу сличности.

Како што веќе наведов во мојот претходен пост, ние живееме во време кога не можеме да ги контролираме нашите мисли, туку тие се делумно “насочувани” од мас-медиумите. Одвоен од природата, а сплотен во љубов со бетонската џунгла, човекот ги загубил сите невербални контакти со неа. На нам визуелното искуство не ни доаѓа ниту од очите, ниту од мозокот. И наместо да се сврти кон природата, кон мајката Тера, и од неа да црпи инспирација, еден дел од човечкиот мозок во борбата за превласт и доминацијаа во новиот светски поредок е со животинските вредности пропратени со надворешни стимуланси и психоделични последици кои се мотив за еден феномен на реверзибилни процеси, концепции и спиритуални искуства, во делот од свесноста каде се заборавени основните човечки вредности.

Овој документарен филм (пред се со етнолошка подлога) во која е вткаено колективното културно наследство, опишува најразлични аспекти на релацијата човек <-> природа <-> спиритуалност <-> филозофија на животот. Еден непрестајно реверзибилен и кружен циклус. Една есенцијално безвременски обликувана концепција. Еден несоборлив контекст на кружење на енергијата низ природата кој го поставува прашањето - Живееме ли сите ние со нашата Baraka? Треба да ја пронајдеме? Или самите да ја создадеме?

Филмот може да се симне тука, или евентуално преку некој торент. Музиката може да се download-ира благодарение на figmentmusic.

продолжува

Во времето кога луѓето не можат да ги контролираат
мислите, а делот завземен од психата е со
животинските вредности
надворешни стимуланси и
психоделични искуства.

Одвоен од природата
сплотен во љубов со бетонската џунгла
со загубени невербални контакти
каде визуелното искуство не доаѓа ниту од очите
ниту од мозокот

и е само мотив за еден феномен
на реверзибилни процеси
концепции и спиритуални искуства
во делот од свесноста каде се заборавени
основните човечки вредности.

to be continued …