web analytics
За мене



Василка Димитровска
магистер по археологија
Скопје, Македонија
e-mail: info@arheo.com.mk

Текстовите на сајтот не се лекторирани

ЧПП
Прирачник за коментирање

Haemus Journal
UNESCO Club HAEMUS
My pages and blogs

Blog in english

Архео-креатива

Verba volant scripta manent

Video|Channels|Community

Archive for the ‘Археологија’ Category

PostHeaderIcon Пет места за посета во Струмица

Во последните неколку години забележлив е трендот да се посетуваат домашните споменици на природата и културата, како и сите места кои умеат на сопствен начин да ја раскажат тајната на својата приказна ткаена со столетија и визуелно пресликана во мноштвото на архитектура или обичаи. Своевремено на покана од порталот Strumica Online, а на мое големо задоволство, гостував на нивниот сајт со текстот во кој препорачувам 5 места за посета во Струмица и струмичко, во викендите кои следат.

1. Комплексот на Св. 15 Тивериополски маченици

Сместен во срцето на Струмица со археолошки остатоци од истоимената рано-христијанска базилика, Св. 15 Тивериополски маченици е комерцијален објект кој и денеска ја раскажува приказната за духовните вредности на античкиот Тивериполис. Современата црква вгнездена во пријатна и спокојна градина, под себе ја крие вредната ‘Галерија на икони’ придружена со стари и автентични религиски книги, како и други црквени асесоари. Комплекот е ограден од околината со возобновените конаци на два спрата. Овие конаци се честопати препорачано место за туристите, велосипедистите и сите добронамерници кои можат за скромна сума и пристојни услови да најдат преноќиште.

Holly 15 martyrs of Tiveriopolis

Остатоци од доцноантичката црква посветена на Св. 15 Тивериополски маченици во комплексот на истоимениот манастир

2. Манастрискиот комплекс во Вељуса

Оригинално подигната во 1080 год. и посветена на Св. Богородица Елеуса, црквата во манастрискиот комплекс во с. Вељуса ги претставува високите дострели на византиската сакрална архитектура и уметност. Од овој период се зачувани дел од фрескоживописот, олтарната преграда изведена во мермер и подниот мозаик со геометриски мотиви, бидејќи подоцна ќе биде најмалку уште два пати фрескоживописана. Спокојството на оваа маестрална духовна идила со прекрасно уреден двор го разбива присуството на некоја од монахињите кои се појавуваат повремено за да ги опслужат посетителите. На заминување не заборавајте да си купите од домашните ликери кои ги прави сестринството во Вељуса, со златно-жолта боја на алтани, за да ве стоплат во зимските месеци.

Црквата Св. Богородица Елеуса (1080) сликана едно јунско утро во 2016

Црквата Св. Богородица Елеуса (1080) сликана едно јунско утро во 2016

3. Римската терма ‘Бања Банско’

Откриен во 1978 година при копањето на темелите за хотелот „Цар Самоил“, локалитетот „Римска терма“ е еден од ретките сочувани римски споменици од ваков вид во Европа. Се наоѓа во с. Банско, 12 км југоисточно од Струмица, под падините на планината Беласица. Денеска бањата има 11 простории со вкупна корисна површина од 623 м2. Зачуваноста е најизразена во просторијата која служела како сауна, а во просторијата која служела како фригидариум постои базен кој бил полнет со ладна вода, додека куполата над кадата е се уште зачувана. Во сите откриени простории целосно се зачувани подовите градени од тула и малтер. На објектот, кој е цел за посета на сите туристи во Струмица и струмичко, останал и комплетниот систем на подното и ѕидното затоплување со сите негови елементи.

Roman bath - Bansko

Стојам пред Римските терми во Бања Банско

4. Моноспитовско Блато

Во минатото големо езеро и дом на предисториска флора и фауна, денеска засолниште на ретки и ендемски видови организми, Моноспитовското Блато крај Струмица претставува предизвик за разни профили на научниците кои тука прават истражувања со децении. Во последните години со финансирање од европските фоднови, просторот во овој музеј на природни реткости е освежен со платформи и мрежа од дрвени патеки по кои може да се чекори над блатото, како и дрвени куќички за набљудување на птиците. На тој начин туристите и посетителите можат да уживаат во прекрасниот природен амбиент на еден од ретките уникатни еко системи на Балканот, чувствувајќи го мирисот на алгите, трските, папратта, звукот на барските птици…

Моноспитовско блато, дома на многу ендемични животни

Моноспитовско блато, дом на многу ендемични животни

5. Водопадите на Беласица

Силна, моќна и раскошна како вистинска планина, Беласица е позната од историските извори по царот Самоил кој во 1014 година тука го доживеал својот најголем пораз. Денеска покрај изобилството на историја и археологија, оваа локација е дом на безброј термални и слатки извори на вода, како и неколку водопади од кои по својата тектоника и морфологија карактеристични се Габровскиот, Колешинскиот и Смоларскиот водопад. Исклучително посетени од домашните и странските туристи во сите сезони од годината, овие локации имаат одлична сигнализација и адаптирани патеки уредени за туристите во кои свежината на зеленилото го прави амбиентот незаменлив дел од уживањето во природата.

Smolarski waterfall

Стојам пред Смоларскиот водопад на Беласица

Во Македонија постојат огромен број на места за посета, а со автомобил за 2-3 часа стигнувате и до најодалечената локација. Ви препорачувам да шетате, уживате и да ја запознаете сопствената земја. И секако, не заборавајте да споделите на интернет.

PostHeaderIcon Среќна Баба Марта 2017 – изложба и базар на ракотворби

По повод ‘Среќна Баба Марта’ – 01.03.2017

Cover_martinki_HAEMUS_2017

Од своите почетоци во 2012 год., ХАЕМУС е инволвиран во приказната со мартинките. Од 20114 год. натаму, тимот на ХАЕМУС е потписник на македонскиот дел од мултинационалната апликација во УНЕСКО и со самото тоа статусот на организацијата ќе порасне во однос на товарот кој треба да се понесе за промоција на сопственото културно наследство. Токму со цел да се промовира нематеријалното културно наследство, вклучувајќи одредени заедничките културни обичаи на Балканот практикувани од дамнина, ХАЕМУС во 2013 година го старуваше ‘Денот на Баба Марта’, проект за заедничките културните традиции на Балканот. Како дел од овој долготраен проект се настаните кои ХАЕМУС ги празнува секоја година на 01.03. прославувајќи ги во исто време доаѓањето на пролетта и древната традиција на изработката, дарување и носење на мартинки. За таа цел е подигнат и официјален веб сајт: http://grandmamarchday.com/, каде по години можат да се следат активностите на ХАЕМУС.

Grandma_march_Day_2014_HAEMUS

Од настанот на ХАЕМУС повод Среќна Баба Марта, City Mall Skopje 2014

Оваа година настанот под мотото ‘Среќна Баба Марта 2017 – подарете на најблиските мартинка за среќа, љубов и здравје’ го организира УНЕСКО клубот ХАЕМУС, во соработка со ЛУ Градски Музеј Крива Паланка и поддршка на Ramstore Mall – Skopje. Настанот ќе се случува во Ramstore Mall Skopje од 24.02.02-03.2017 год (10-20ч.), а се прави како поддршка за мултинационалната апликација поднесена од четирите држави во УНЕСКО, во која учествува и Македонија, заедно со Романија, Бугарија и Молдавија. Целта е заштита на мартинките како нематеријално светско културно наследство.

Настанот се состои од неколку компоненти:

- изложба на оригинални рачно изработени амајлии од Македонија, Бугарија и Романија
- изложба на модерни амајлии изработени од Модното студио Маеста
- археолошка визуелизација на праисториското потекло на мартинките преку археолошки предмети од територијата на Р. Македонија
- едукативни панели
- проекција на документарни филмови
- продажна галерија со ракотворби
- креативни работилници за деца

Настанот се прави под мотото на УНЕСКО за Отворени Образовни Ресурси.

Локација: штандот на HAEMUS каде што ќе можете да најдете мартинки, ќе биде поставен на 1. спрат од Ramstore Mall Center, веднаш до ескалаторот.

Повелете во Ramstore Mall Skopje помеѓу 24.02.02-03.2017 год, од 10-20ч. да си изберете и да подарите мартинки за среќа, радост, љубов и ксмет на вашите најблиски.

Официјален веб сајт: http://grandmamarchday.com/

Fb настанhttps://www.facebook.com/events/362288584156022/

Grandma_march_Day_2016_HAEMUS

Големата меѓународна патувачка изложба што ХАЕМУС со своите партнри од Србија, Романија и Бугарија ја стартуваше во 2016 (City Mall, 01.03.2016)

Изработката и поклонувањето мартинки на најблиските е традиција која во Република Македонија се почитува со стотици години. На овој ден карактеристични црвени и бели висулци, топчиња и исплетени бразлетни познати како мартинки се разменуваат или се поклонуваат на најблиските, и се носат закачени на облеката или врзани од зглобот на раката. Постојат различни обичаи при традиционалното подарување на една мартинка. Генерално, таа секогаш е со конци од црвена и бела боја меѓусебно испреплетени или исплетени, од кои црвената ја симболизира боја на крвта, а белата на чистотата. Се подарува на 1-ви Март во чест на Баба Марта и се носи околу рака или закачена на облеката се додека расцвета првото дрво. Потоа се закачува на него со желби за сопственото и за добро здравје на своите блиски во тековната година.

ХАЕМУС ги почитува мартинките како нематеријално културно наследство и ги негува во духот на традицијата, во сите облици и начини кои би придонеле за нивната поширока промоција.

Инфо:

Во одредени делови на Балканот (Македонија, Бугарија, Романија, Молдавија) постои обичај поврзан со првиот ден на месец март. Тој се нарекува ” Среќна Баба Марта”. На овој ден се подаруваат рачно направени амајлиии направени од црвен и бел конец. Овие амајлии се познати под многу имиња како: мартинки (Македонија), мартеница (Бугарија), мартишор во Романија и Моладавија. Се подаруваат на најблиските со позитивна порака и најчесто се носат на рака како белегзија или закачени на облеката, се додека не расцвета првото дрво или додека не се види првиот штрк/ластовица, кога мартинката најчесто се става под бел камен или пак се закачува на гранка од дрво. Оваа традиција, за која се верува дека има предхристијанско потекло, во себе носи различни верувања пред сé поврзани со заштитата и магијата на црвената и бела боја кои претставуваат здравје и прочистување, но и со одбележувањето на доаѓањето на пролетта и првиот ден од аграрната нова година.

УНЕСКО

Од 2013 година обичајот „Денот на Баба Марта“ под работно име ,,Културни обичаи поврзани со 1 март” преку мултинационалната апликација од страна на Македонија, Бугарија, Романија и Молдавија е предложен да се постави на листата на светско нематеријално наследство на УНЕСКО. Македонскиот дел од апликацијата помеѓудругото се темели и на поддршката која во писмена форма ја даде тимот на ХАЕМУС. За да се одобри оваа апликација од страна на УНЕСКО, ќе се гласа во ноември 2017 година.

За сајтот

Добредојдовте на мојот сајт. Доколку ви се допаѓаат текстовите и сакате да ме следите кликнете на RSS фидот. Текстовите на сајтот не се лекторирани. Сајтот е заштитен со Законот за авторски и сродни права на Република Македонија.

Почитувајте ја лиценцата на Криејтив Комонс пред да позајмите без прашање.

Василка Димитровска магистер по археологија

Пребарувај по сајтот
Follow my research

SVPINI ROMANI
HAEMUS E-Shop



Моја книга за Руг Баир
Категории
Архива