web analytics
За мене



Василка Димитровска
магистер по археологија
Скопје, Македонија
e-mail: info@arheo.com.mk

Текстовите на сајтот не се лекторирани

ЧПП
Прирачник за коментирање

Haemus Journal
UNESCO Club HAEMUS
My pages and blogs

Blog in english

Архео-креатива

Verba volant scripta manent

Video|Channels|Community

PostHeaderIcon Кенан

Се сеќавате ли на Кенан? Има ли некој од постарата генерација кој не го знае овој мајстор за чевли?

Во еден од изминатите броеви на магазинот Форум (поместен и во нивната онлајн архива), новинарот Васко Марковски ја обработува темата за еден од автентичните скопски занаетчии кои имаа свој дуќан на градскиот плоштад во Скопје. Секако, во времето кога Скопје имаше плоштад! Помеѓу другото, тој побара кратка изјава и од мене како некој кој ги бележи и документира настаните во својот роден град.

За “Кенан” поразговаравме и со Василка Димитровска, археолог и туристички водич, која на еден од своите блогови го спомнува “Кенан” како важна точка во градот, која не смеело да се дозволи да се избрише.

“Дуќанот на Кенан го паметам во пакет со цветниот пазар. Имав и неколку успешни обиди да префарбам чевли кај него пред да го дислоцираат. До ‘Кенан’ стоеше розевиот столб со плакати за претставите во кино ‘Култура’. Овој столб немаше архитектонско, уметничко, археолошко или историско значење, но како и Кенан беше белег на центарот во Скопје. Сметам дека дуќанот на Кенан требаше да остане на градскиот плоштад заради зачувување на една традиција, бидејќи додека минуваме, а не ги забележуваме, во овие објекти вткајуваме по мал дел од нас. Во нашите прекрасни семантички ‘урбани’ артефакти кои се неотуѓив дел од секој град”, вели Димитровска.

Линк до написот на магазинот Форум

Мојата мајка го памети Кенан како крупен, дебел човек кој бил единствен што поправал чевли и бил најдобар во нивното бојадисување. Ќе однесеш стари чевли кај Кенан, а ќе си ги земаш како нови. Повозрасните генерации паметат дека дуќанот на Кенан на скопскиот плоштад постоел отесекогаш. Кога се договарале за не корзо, велеле ‘ќе се најдеме кај Кенан’, како топоним околу кој се ориентирале во центарот на Скопје. Еден од итинерарите на шеталиштата од некогашното корзо се протегал од Кенан, покрај старото училиште Гоце Делчев, хотелот Македонија, па се до денешната зграда каде се наоѓа Клубот на писателите. Денеска тоа е улицата Максим Горки каде се наоѓаат единствените дрвја со јапонски цреши.

Моите мартинки од средно, полувисоки со челик напред
префарбани кај Кенан :)

Според тврдењето на една моја сосетка од средна возраст, мајсторлакот на Кенан се состоел всушност во тоа што имал специјална боја со која прво ги премачкувал старите кондури за да не се гледаат лузните од ударите, па дури потоа нанесувал боја по желба.

Кенан беше имиџ на Скопје! Шармантна традиција. Навистина голема штета што го дислоцираа. Да бевме во некоја друга држава, пари ќе му дадеа на газдата само за да го одржи занаетот и да биде атракција за туристите. Ама ете, ние имаме таква среќа како држава, па се што е старо, добро и традиционално, полека го снемува. Сакајќи да создадеме нова и современа историја, ја уништуваме полека онаа вистинската која ја имаме.

4 Responses to “Кенан”

  • Suzana says:

    Sto e so Kenan sega, dali znaes?

  • Археоблог says:

    Suzana,

    Кенан е сега преместен кај Новата железничка станица, веднаш до Шехерезада, на самата улица. :)

  • Cambridge says:

    Napisot mnogu me pogodi. Ne samo zaradi toa shto ete eden zanaetchija e preselen ili vo nekoi sluchaevi i zatvoren dukan. Tuku, sto tie specialni mesta, toponimi vo samite gradovi ischeznaa.
    Ete i vo Bitola, grad koj beshe i e poznat po starata charshija, toa sosema ischezna. Seushte po nekoj od starata generacija, se sekava kaj beshe mast pazar, zitni pazar i sl. Kaj bea zvoncharite i samardziite.. Starite zanaeti so koj se gordeeshe Bitolskata charshija sega poveke gi nema. I posledniot kovachki dukan se zatvori pred 5 god.
    Za zal nashata drzava nishto ne pravi za zazivuvanjeto na starata tradicija i zanaetchistvoto.
    Ostana samo kafulinjata, prodavnichkite koj se taka narecheni “butici” i… nishto drugo…

Leave a Reply

За сајтот

Добредојдовте на мојот сајт. Доколку ви се допаѓаат текстовите и сакате да ме следите кликнете на RSS фидот. Текстовите на сајтот не се лекторирани. Сајтот е заштитен со Законот за авторски и сродни права на Република Македонија.

Почитувајте ја лиценцата на Криејтив Комонс пред да позајмите без прашање.

Василка Димитровска магистер по археологија

Пребарувај по сајтот
Follow my research

SVPINI ROMANI
HAEMUS E-Shop



Моја книга за Руг Баир
Категории
Архива