Веб сајтовите мора да се зачуваат заради историчноста на настаните
posted in Интернет, Историја |
Пред некој ден како последица на инаугурацијата на Барак Обама (Barack Obama) за претседател на САД, од сајтот на Белата Куќа беа повлечени сите податоци поврзани со претходната власт на Џорџ Буш, кои веќе не се достапни на интернет. А по правила на нештата знаеме дека она што не е запишано, исто како и да не се случило.
Една интересна статија на весникот Guardian, се занимава со феноменот архивирање на веб сајтовите. Насловот не се однесува конкретно на историчарите, туку и на севкупната човечка меморија која го покрива знаењето и информациите во дигиталниот 21 век. Според авторот на колумната доколку тоа не се случи во догледно време, би можело да настане т.н. “digital dark age”, во кое ќе останат закопани многу историски податоци, а луѓето ќе се соочат со уште поголеми дупки во врска со одредени настани.
