Home Археологија Статуа ли е статуа, камена та изграфитирана

Статуа ли е статуа, камена та изграфитирана

2,022 views
0

 

Како што јавува блогот Prilep online во сабота крај камената статуа на слонот на археолошкиот локалитет Маркови Кули (Прилеп), ќе се случува ,,Поетско Маркукуле” за чија намена е веќе издадена книга со песни од ланските учесници.

Независно што Маркови Кули пред две години беа ставени привремено на листа на УНЕСКО за заштитени природнии реткости, тие и официјално се археолошки локалитет. Кога еден археолошки локалитет е прогласен како таков, а посебно ако е ставен на листата на споменици (чиј регистар во Република Македонија се уште не е изработен) за кој е надлежна одредена институција чија цел и намена е да го истражи, заштити и презентира, тоа автомаски означува дека се што се наоѓа на тој локалитет е заштитено и секое негово оштетување подлежи на законски мерки.

Тешко се справуваме не само со заштитата на нашето наследство, туку и со третманот на археолошките локалитети во културен  предел. Имплементацијата на Конвенцијата од Ла Валета како да се подзаборава иако таа е валидно законски ратификувана во земјава (1,2).

How blind we can be?

Ќе остане нејасно зошто организаторите на овој настан се одлучиле поетското читање да се одвива токму под камената статуата на слонот. Можеби за да ги соочат посетителите со бизарноста на целата ситуација слушајќи поезија притоа да го гледаат изграфитирано сопственото наследство, чие вандализирање не се случува за прв пат на Маркови Кули.

Не е важно дали потекнува од 3 век п.н.е., од крајот на 19 век. или е само геоморфолошка творба, природното и културното наследство на една земја треба да биде ментално неделиво од неговите наследници. На него треба да се навикнеме како на свој сон, како на свој дом. Да го препознаваме насекаде, како што ги препознаваме сопствените мисли.

Толку многу зборови за само една ,,камена” склуптура, а? После се ова, искрено се ежам од помислата што се може да се случи со статуите пред Владата на Република Македонија.


Појаснување: фотографијата е позајмена од четвртиот број на Free Time Guide (стр.21), месечен магазин на англиски јазик наменет за странците во кое на најубавиот можен начин е претставено нашето природно и културно богатство.

Меѓу другото треба да се напомене дека археолошкиот локалитет Маркови Кули воопшто нема своја веб страница и се што можете да најдете за оваа локација се спорадични написи расфрлани таму-ваму по интернетот.


Клучни зборови: , , , , , , , , , , , , , , , , , , , , , , ,

LEAVE A REPLY

Please enter your comment!
Please enter your name here