17th
February
2007
Шимпанзата користеле камени алатки
Australopithecus-ите се хоминиди кои постоеле пред појавата на Родот Homo, a првиот од нив во овааа низа е наречен Homo habilis. Кога тој стапил на сцена околу 2,5 милиони години п.н.е., со себе донел една технологија на делкање камени алатки, со чија помош на овие луѓе почнал да им се менува когнитивниот капацитет.
На скалата од хоминиди (барем до сега) не беше утврдено дека пред појавата на Homo Habilis, некој друг хоминид користел камени орудија. Т.е. досега во еден ист археолошки слој не беа пронајдени да кажеме скелетни остатоци од Australopithecus и камени алатки кои тие самите ги изработиле.
Така оваа информација дека археолозите пронашле праисториски камени чекани употребени од шимпанзите, е навистина сензационално откритие. Иако се работи за алатки кои се стари само 4 300 години, а не 4 милиони години, сепак се доведува под знак прашање дали шимпанзата тоа го виделе од луѓето современици, или можеби постои некој еволутивен пат за кој се уште не знаеме, а во кој оваа технологија била предавана од генерација на генерација.
Ме мрзеше да ја постирам оваа вест вчера, па му ја предадов на Панта. Тој направил убав сублимат од текстот, со некои свои додатоци. Ви препорачувам да го прочитате.
напишано во Палеоантропологија | 0 Коментари
