Home Археологија Како се затвораат дискусите за археолошките локалитети во Македонија

Како се затвораат дискусите за археолошките локалитети во Македонија

927 views
0
На 09.02.2007 година во Музејот на Македонија се одржа форум на тема „Третманот на археолошките локалитети во Македонија“. Под закрила на Македонскиот национален комитет на ИКОМОС (организација при УНЕСКО за заштита на локалитети и места) и поткомитетот за археолошко наследство, учесниците на дискусијата зборуваа за национална и меѓународна легислатива за заштита на културното наследство, за истражување, валоризација и ревалоризација, проектирање, превентива, конзервација, реставрација, реконструкција и презентација на културното наследство и употребата на градежни материјали и технологии, третманот на археолошкиот локалитет во културен предел и друго.

Искрено, не знам што тоа се подразбира “под друго”??!!, бидејќи сите овакви настани си имаат прецизна агенда. Инаку освен во весникот Дневник, не постои никакво друго известување ниту било каква дополнителна информација за овој важен настан.
 
Со оглед на тоа што никаде не можат да се видат, прочитаат или консултираат збиднувањата кои се случиле на овој Форум, посебно под она “друго”, а на ИКОМОС му е доделен дел од сајтот на Министерството за култура, не би било лошо да ги постават интерпретаторите, водените дискусии и презентации. Така ќе ги знаеме залагањата на нашите високо ценети стучњаци од областа на културата, со какви се проблеми се соочуваат и на кој начин се справуваат со истите, во веќе споменатата сфера.

LEAVE A REPLY

Please enter your comment!
Please enter your name here