2007 February 03 » Археолошки дневник vol.2.1/2 ©
3rd February 2007

Единаесетти симпозиум на SOMA

Помеѓу 24-29 Април во Истанубул, Турција, ќе се оджи единаесеттиот симпозиум на SOMA (Symposium on Mediterranean Archaeology). На нивниот портал е нагласено дека најголемо внимание ќе се посвети на младите истражувачи, кои не се лимитирани со тема и период, но услов е да не се оддалечуваат од Медитеранската археологија. Конференцијата е на англиски, секој труд мора да биде најмногу со должина од 20 мин., а пријавувањето е до 28 Февруари.

За подетални информации во врска со Медитеранската археологија, д-р. Ioannis Georganas од Атина, има направено свој блог. А на неговата страница на geocities може да се најдат доста корисни линкови.

Па млади колеги, ете ви шанса да си го покажете своето знаење и лични истражувања. :)

P.S. Нешто што се уште го нема на сајтот, а го добив на mail. Топици на сесиите се:

Archaeological Excavation and Survey Reports, Ancient Architecture, Art History, Ancient History, Underwater Archaeology, Epigraphy, Numismatic, Archaeometry, Museology, Management of Archaeology, Semiotics and Archaeology, Archaeoseismology, Natural Hazards and Archaeology, Archaeogeophysics.

напишано во Архео1 | 0 Коментари

3rd February 2007

Нов проект на Македонскиот центар за археолошки истражувања

Ако нештата во оваа држава во однос на македонската археологија се помрднуваат, тогаш тоа е благодарение на најновиот проект на MACAR (Mecedonian Center for Archaeological Research), спонзориран од страна на British Embassy во Република Македонија.

Целта на овој проект е употребата на не-деструктивни археолошки методи при истражување и документирање на културното наследство, преку активности кои опфаќаат тренинг-обука, теренско работење (гео-физички истражувања), и податоци кои притоа се добиваат и се споредуваат.

Планираните активности подразбираат и вклучување на стручњаци од институции како: University College London, English Heritage, The Landscape Research Centre (York), Dept of Archaeology, University of Leeds и RESCUE - The British Archaeological Trust.

Е па ај со среќа нека им е проектот. :)

напишано во Архео1 | 0 Коментари

3rd February 2007

Порталот на EAA посветен на Балканот

Во последно време на Порталот на EAA (European Association of Archaeologists) можат да се сретнат многу информации кои се поврзани со археологијата и археолозите на Балканот.  Со оглед на тоа што оваа гранка од науката е прилично запоставена (барем во финансиски поглед) на овие простори, ЕЕА бараат начини и се обидуваат да ја анимираат јавноста за Балканската археологија. Во таа сврха нивниот следен - 13ти по ред симпозиум ќе се одржи во Задар, Хрватска, од 18-23 Септември 2007. Ова е голема предност, ако се знае фактот дека ЕАА е приватна организација.

На сајтот исто така може да се сретне информацијата за локалитетот Љубимец во Бугарија, за кој пишував пред неколку месеци, за поддршката на Босанските археолози, во однос на она што им се случува со Пирамидата итн…

ЕАА имаат свое официјално списание, но во него не можат да постигнат да ги публикуваат сите настани поврзани со Европската археологија. Од тие причини си отворија сопствен блог на кој може да се најдат информации кои ги нема во нивниот журнал, како и уште многу други податоци.

напишано во Архео1 | 0 Коментари

« Претходни Записи